Familielaurdag: Pølsetjuven

Biblioteket inviterer til familielaurdag for store og små!
Vi serverer saft og boller kl. 11.30–12.00.
Framsyninga byrjar kl. 12.00.

Kjell er ni år og fødd inn i ein tjuvefamilie. Men Kjell vil ikkje vere tjuv. Ein dag må han stele frå vennen sin, Pølse-Per. Pølsetjuven handlar om å finne ut kven ein eigentleg er – og om å tore å leve slik ein ønskjer. Vi får storfint besøk av forfattar og illustratør Marianne Gretteberg Engedal, som skal teikne og fortelje om Kjell og dei andre vi møter i bøkene Pølsetjuven og Polititjuven.

Tid: Kl. 11.30–12.45 (framsyninga byrjar kl. 12.00)
Stad: Askøy folkebibliotek

BILLETTAR: Det er heilt gratis å vere med, men vil du vere sikra plass må du ha billett. Ubrukte billettar vert gjevne vidare fem minutt før arrangementsstart.