Språk og identitet i randsona: Om språkpraksis blant ungdom på Askøy og Sotra

Er du stolt stril eller oppteken av å halde på dialekta di? Askøyværingen hadde for nyleg ein konkurranse om det mest populære dialektordet. Stemmene hagla inn og “hi sio” stakk av med sigeren. Men korleis står det til med språket på strilelandet?

Professor Endre Brunstad ved Universitetet i Bergen kjem til Askøy og innleiar om temaet. Etter innleiinga vert det samtale rundt småbord der vi diskuterer kva språk kan ha å seie for identitet, sjølvbilde og lokalkultur. Kva verdi kan det ha å velje nynorsk som skriftspråk? Det blir også høve til å dele tankar og synspunkt i plenum.

Velkomen til ein kveld om språk og identitet – vi sjåast!

Tid: Torsdag 18. april kl. 19.00–20.30
Stad: Askøy folkebibliotek

Arrangementet er i samarbeid med Askøy Mållag.

BILLETTAR: Det er heilt gratis å vere med, men vil du vere sikra plass må du ha billett. Ubrukte billettar vert gjevne vidare fem minutt før arrangementsstart.